ქარელის მუნიციპალიტეტის მერმა, ზაზა გულიაშვილმა ,სოფელ ქვენატკოცაში დაათვალიერა საგზაო ინფრასტრუქტურის მოწესრიგების მიმდინარე სამუშაოები. პროექტის ფარგლებში გათვალისწინებულია 7 ქუჩის მოასფალტება,რომელთა საერთო სიგრძე შეადგენს 3 კილომეტრზე მეტს. ამჟამად ორ ქუჩაზე მიმდინარეობს ზედა ფენის მოწყობა წვრილმარცვლოვანი ასფალტობეტონის საფარით. პროექტი ხორცილედება რეგიონებში განსახორციელებელი პროექტების ფონდისა და ქარელის მუნიციპალიტეტის ადგილობრივი ბიუჯეტის თანადაფინანსებით. სამუშაოებს ასრულებს შპს „ჰედეფ ჯორჯია“.
↧