ქარელის მუნიციპალიტეტის მერმა, ზაზა გულიაშვილმა დაათვალიერა სოფელ ქვემო შაქშაქეთსა და ბებნისში მიმდინარე და დასრულებული ინფრასტრუქტურული სამუშაოები. კერძოდ: სოფელ ქვემო შაქშაქეთში ამ ეტაპზე მიმდინარეობს 370 გრძივი მეტრი წყალგამტარი არხისა და 25 გრძივი მეტრი სადრენაჟე მილის მოწყობა. სოფელ ბებნისში დასრულდა 324 გრძივი მეტრი სარწყავ-სანიაღვრე არხის მოწყობა. აღნიშნული პროექტები დაფინანსდა ქარელის მუნიციპალიტეტის ადგილობრივი ბიუჯეტით.სამუშაოებს წარმართავს შპს „ჯეო კონსტრაქშენი“.
↧